Қазақстан Республикасы Жамбыл облысының ауыл шаруашылығын игеру жерлерін басқарудың сызбасы
Article Sidebar
Main Article Content
Аңдатпа
ҚР Жамбыл облысын тұрақты дамытудың маңызды міндеті әртүрлі деңгейде деградацияға ұшыраған 9236,1 мың га ауыл шаруашылығы жерлерінің өнімділігін қалпына келтіру және сақтау болып табылады. Облыста 3139,9 мың га ауыл шаруашылығы жерлері өте қатты деградацияланған, олар – топырақтың қайталама сортаңдануына ұшыраған суармалы егістіктермен, су және жел эрозиясының пайда болуы, тапталған жайылымдар ошақтарымен белгіленген. Осыған байланысты облыстағы әлеуметтік және экономикалық шиеленіс ауыл халқының өмір сүру деңгейінің одан әрі төмендеуіне және ауыл шаруашылығы өнімдерін өндіру деңгейінің бәсеңденуіне алып келеді. Жерге жеке меншіктің енгізілуі және Қазақстанда шаруашылық жүргізудің жаңа нысандарының құрылуы зерттелетін өңірдің ауыл шаруашылығы жерлерінің кеңістіктік құрылымы мен функционалдық игерілуінің елеулі өзгеруіне алып келді. Жамбыл облысының жерлерін ауыл шаруашылығын игеру үшін пайдалану, ең алдымен, қаржы-экономикалық және ұйымдастырушылық тетіктерге негізделеді, ал олардың қайта құрылуының экологиялық салдарларының мәселесі ашық күйінде қалып отыр, бұл теріс антропогендік-экологиялық факторлардың әсеріне ұшыраған экстенсивті, шығынды ауыл шаруашылығы өндірісінің қалыптасуына себепші болды, ол өз кезегінде ауыл шаруашылығын пайдалану жерлерін басқару сызбаларын құру қажеттілігіне алып келді.
ҚР Жамбыл облысының ауыл шаруашылығын игеру жерлерінің басқару сызбасын ауыл шаруашылығы жерлерін тұрақты пайдалануға қол жеткізу үшін қызметтің басты бағыттарын көрсететін табиғи-ауыл шаруашылығы, әлеуметтік-экономикалық, нормативтік-құқықтық және табиғат қорғау көрсеткіштері негізінде әзірленді. Сызбаны әзірлеудің барлық кезеңдерінде ауыл шаруашылық табиғатты пайдалану жағдайларына бейімделген әдістемелік құрылымдар мен нормативтік критерийлер қолданылды. Ауыл шаруашылығын игеру жерлерін басқарудың әзірленген сызбасы: жер пайдаланудағы экологиялық бастапқылықтың басым болуына, соның нәтижесінде жерді ауыл шаруашылығында пайдалану экономикалық тиімді, экологиялық қауіпсіз, өзара тиімді болуға бағытталған.