Гидрометриялық зерттеулердің қазіргі заманғы әдістері: эхолотты пайдаланып жасалған батиметриялық жұмыстар
Article Sidebar
Main Article Content
Аңдатпа
Су нысандары түбінің морфометриясын зерттеу, шаруашылық, экономикалық және басқа да қызмет салаларындағы маңызды міндет болып табылады. Осыған байланысты, батиметриялық жұмыстарды орындау мен алынған материалдарды өңдеу үшін, қолданбалы гидрографияда қазіргі заманғы әдістемелік шешімдерді жасап және оларды пайдалану керек.
Осы құрылғыларды қолданудың теориялық және практикалық аспектілерін қамтитын эхолоттармен
жұмыс істеудің заманауи әдістері қарастырылады. Мақалада эхолоттардың қолданыстағы классификацияларына шолу жасалып, экспедициялық жағдайда өлшеу жұмыстарын жүргізу әдістері және кестелер мен векторлық қабаттар түріндегі қорытынды материалдар берілген.
Жабдықты таңдау, параметрлерді реттеу, өлшеу жұмыстарын жүргізу, деректерді өңдеу және талдау, сондай-ақ оларды геоақпараттық жүйелермен біріктіру сияқты эхолоттармен жұмыс істеудің негізгі аспектілері қарастырылады. Нәтижелердің сапасы мен дәлдігін жақсартуға ықпал ететін инновациялық өңдеулер мен технологиялар сипатталған.
Эхолоттарды географиялық ақпараттық жүйелер (GIS) сияқты басқа технологиялармен біріктіруге
ерекше назар аударылады. Авторлар сонымен қатар навигацияда, гидрографияда және басқа салаларда эхолоттарды қолданудың практикалық аспектілерін қарастырады.
Мақала су нысандары түбінің морфометриясын зерттеуге арналған гидрология және онымен байланысты сала мамандары, сондай-ақ, инновациялық технологиялар мен акустика және географиялық ақпараттық жүйелер саласына қызығушылық танытатын оқырмандардың кең ауқымы үшін, құнды шолу жасалған мәлімет береді.