ЖАСЫЛКӨЛ КӨЛІНІҢ ЖАЛПЫ СИПАТТАМАСЫ ЖӘНЕ ҚАЗІРГІ ГИДРОХИМИЯЛЫҚ ЖАЙ-КҮЙІ

Аңдатпа

Жасылкөл көлін зерттеу Қазақстан Республикасы Экология, геология және табиғи ресурстар министрлігінің Су ресурстары комитеті тапсырмасы бойынша «Қазақстанның кіші көлдерінің паспорттарын әзірлеу» жобасын орындау аясында 2021 жылдың жазында жүргізілді. Зерттеу осы уақытқа дейін мұндай кешенді зерттеу жұмыстарының жүргізілмегендігіне байланысты негізделген. Бұл жұмыстардың өзектілігі аймақтық биліктің, туристік сұраныстың өсуіне байланысты қызығушылықты арттыратын елдің су ресурстарын бағалау туралы ақпарат қажеттілігімен расталады.
Жұмыста көл суының химиялық құрамы туралы алғашқы мәліметтер келтірілген. Көл суы тұщы (жалпы иондардың қосындысы 137 мг/л), гидрокарбонат класының, кальций тобы, екінші түрі санатына жатады.